എന്റെ വീട്

എന്റെ വീട്ടില്‍
ചെത്തി, മന്ദാരം
കാശിത്തുമ്പ, നാലുമണിപ്പൂക്കള്‍ ....
എല്ലാം ഉണ്ടായിരുന്നു.
അവിടെത്തന്നെ,
നല്ല വെള്ളം കിട്ടുന്ന
കിണറും ഉണ്ടായിരുന്നു.

------------ അവിടെ
------------ ഉണ്ടായിരുന്നു.

അന്വേഷിച്ചു ചെന്നപ്പോള്‍
ഇല്ലാതിരുന്നത് ഞാന്‍ മാത്രമായിരുന്നു.
ഒരുകാലത്തും ഇല്ലാതിരുന്ന വസ്തുവും അതുതന്നെ.

മരത്തണലില്‍

കണ്ണു തുറന്നാല്‍
കാണാം
പച്ചയും നീലയും
കലര്‍ന്ന വിതാനം.
കാറ്റൊന്നിളകിയാല്‍
ആടും,
ഏതോ തരം
മയില്‍ പോലെ.

രക്ഷ

സ്വന്തം
നിഴലിനും അപ്പുറത്തേക്ക്
ചാടിപ്പോയവനെ
എവിടെ നിന്ന്
തിരിച്ചു കൊണ്ടു വരും ?

പാഠം 1

ദയ എന്ന വികാരം
ഉന്നം തെറ്റിക്കും